گلولهه#
العافتني خوش اتعافيت..؛
عافتني لاكن رجّعَت عافيتي .!
خل تدري ذب اگليبي اهدومه السود ..!
صارت نظيفه او خضره ردت ريتي#
نيّتهه چانت ...تشبه الصدر الليل-!
وابنيه مالت بيت چانت نيتي!!؟
چانن صورهه امهدّله اچتاف البيت !؟
بس هسه عامر روحه ردّت بيتي -#
مهدی ابوحاجات الهليچي#
الخذوچ ابليل مثلي هلهلولچ,,,
دمع واتراب عالخد هلهلولچ,,,
ابزفتچ يوم اهلچ هلهلولچ,,,
هلي اتراب الگبر هلّو عليه,,,
مهدي ابوحاجات الهليچي,,,
ضميت ابهيم وحدي والضماير,,,
چبدتي اشمكض خيطي والضماير,,,
تخي او ماتصح يوره والضماير,,,
غفت مثل الغفوا حدر الوطيه,,,
مهدي ابوحاجات الهليچي,,,
حشا القارئ,,,
مشيتوا ابليل عفتوني يهالاي,,,
او لحظه ماوگف دمعي يهالاي,,,
عرفت الظيم من بديَت يهالاي,,,
شبت والظيم ظل للآن بيه,,,
مهدي ابوحاجات الهليچي,,,
٢٠١٠/٥/٢٢
﴿انا إبْنُ الْلُغَة الْعَرَبيّه ،..!
انا ابنُ عيلامْ
﴿وَ سامْ﴾
انا ابن الراسه ما للعار وطّا,,,
وانا ابن الماترك كل طيب وطّا,,,
انا ابن الضاد وابن الظاء وطّا,,,
العجَز يلفظهن ابن الموشفيه,,,
مهدي ابوحاجات الهليچي,,,
فاس العز حسافه منسخنجر,,,
أسه او جوري ابدليلي منسخنجر,,,
منه ابتوت لاكن منسخنجر,,,
غدر دهري المله الروح اب أذيه,,,
مهدي ابوحاجات الهليچي,,,
الجناس الأول:من ساء خو نجر
✳مـــهـ ابــوحـاجـات ـــدي✳
الــــهــلــيچــــي
مخبوص الشعب ظل يطگ راس ابراس
شـو ضـاع الـوطـن مـانـدري تكـليفـه$
واحلـوگ العـِلِـم صـكـوهـا بطـراگـات
واوجـوه الجـهـل متـعجـرفه او شيـفـه#
واليحـچـي الصـدگ ذبّّوا ابراسه الچيس
وابن الـمـونجيـبه امگحـّـص ابـكـيفــه#!
واعضـاي الـتـهـت بالشـيخه والـرايـات
وابحـدنـه الحقـد گـام او شهـر سيـفـه؟!
صار الـعار نـوط او بالــلّـه نــوط العـار
ابيـاسوگ ارد اشـوف اشلـون تصـريفـه@
تعـبــان الوطـن بـي راي يعجــد راي
اويا وسفه الصــدگ ضيّــعنـه تـوصـيـفـه#
ماعدّه الذي ابخوته عليه رايد يحط منّه,,,
ولامجده ابمظيف اشيوخ لاگومن واذمنه,,,
الجاهل گالو امن اسنين احسن تبتعد عنه,,,
لوتگرب يعديك ابعاره,,,
مهدي ابوحاجات الهليچي,,,
دگلّي اشفاد تعبك عود وضحاك,,,
يگلبي اشلون مر ليلاك وضحاك,,,
صحيح اتشاقا ويا الناس وضحاك,,,
لچن عالم حزين ايعيش بيه,,,
مهدي ابوحاجات الهليچي,,,
باب الفرح يادنيه سكرتي,,,
عليه وابسكرّچ ظيمي سكرتي,,,
سكرت البارحه اوطالت سكرتي,,,
او شرگت ايراب حبنه ابلاوعيه,,,
مهدي ابوحاجات الهليچي,,,
حبيبي اسهام بيه لكتشكليش,,,
اولليشمت دگلي لكتشكليش,,,
احبك گتلك انه لكتشكليش,,,
لك ابشكك تشمت اعداي بيه,,,
مهدي ابوحاجات الهليچي,,,
اشكثرهه ايّام همي والليالي,,,
ولاهم راح فرحي والليالي,,,
بعد ماريد اشوفك والليالي,,,
عفتني او شمتيت اعداي بيه,,,
مهدي ابوحاجات الهليچي,,,
اگلوب اعداي بالله يمته تنسال,,,
ابمرض وادموم منهم يمته تنسال,,,
هنادي البيهه مجدي يمته تنسال,,,
او تگص ارگاب ناس العنصريه,,,
مهدي ابوحاجات الهليچي,,,
الجفن گدما سهر بليل درعاي,,,
واگل الروحي هم اوظيم درعاي,,,
الگلت بالضيج عود ايصير درعاي,,,
خفگ وارماحه شكت غدر بيه,,,
مهدي ابوحاجات الهليچي,,,
ثدى العزبس كرامه اوطيب درلاي,,,
اوفحم بيد الشهم ينجعل درلاي,,,
ابگلب كلمن نفل خليت درلاي,,,
او ثابت ساسهه ابغيره اعربيه,,,
مهدي ابوحاجات الهليچي,,,
الناس اتذمني شي بالعام شيخص,,,
اومنهم تملك الإحساس شيخص,,,
لچن من نزعل انه اوياك شيخص,,,
البعض تنگل حچي او تگطف عليه,,,
مهدي ابوحاجات الهليچي,,,
دليلك خان عشرتنه كفرسل,,,
دليلي اوحيل لعيوني كفرسل,,,
عشگتك مادريت انته كفرسل,,,
گصب تركب عليه واتخون بيه,,,
مهدي ابوحاجات الهليچي,,,
العده محّار عزمي منفحصتل,,,
خذوا واحتار عگلي منفحصتل,,,
وطن بس من حقوقه منفحصتل,,,
شعب واتظل غبار الجاهليه,,,
مهدي ابوحاجات الهليچي,,,
الجناس الأول:من فاء حص تل خذوا
الحص= اللولؤ
حدیدالظیم من ناری حمیته
واخوی امن العدوابگلبی حمیته
الشهم والزین معلومه حمیته
یحامی اعلی الاخوویشگف لخیه
---✳الى فردوس حياتي وشوقي✳---
ابميدان العشگ بشواگ فردوس'''
يخلي ابگلبي خل ايصير فردوس'''
امن احضنك چن احس حضنيت فردوس'''
العظيمه او دنيتي ابحضنك زهيه'''
مهدي ابوحاجات الهليچي'''
2015/12/08
يلوي دهري اچفوف عزمي والوفي,,,
او مااهم بدروب وعره والوفي,,,
بس اريد الكون نشمي والوفي,,,
اوگدهه هم يوگف نفل بالموزمات,,,
مهدي ابوحاجات الهليچي,,,
المايدرك حرف بالدين او ظل يتبع اليعبد نار,,,
من شاف اهتديت اشگال بايع دينك ابدينار,,,
رديت اعلى حچيه ابزود چابيع الاهل موعار,,,
وانته اتبيع اهلي اوخواني
مهدي ابوحاجات الهليچي
صوت الحگ صبح مبحوح والسان الفتن طايل-
وابصگر الصحاري اليوم فرخ البط طلع عايل-
اومن جفن الحقيقه اشلون دم اسود شفت سايل-
واليحچي الحگ يفگد راسه-
مهدي ابوحاجات الهليچي
مشيتي او رحتي مدري الوين يمكان,,,
وانا الگلبي ابحنانه اوياچ يمكان,,,
ابد ماصرتي ليه اب يوم يمكن,,,
ابحياتي الثانيه اتصيرين ليه,,,
مهدي ابوحاجات الهليچي,,,
عگل صح چان الي ابهل راس بسهاي,,,
سهيت او كل عذابي الصار بسهاي,,,
صدگ بالحي بنات اهواي بسهاي,,,
خذت روحي او خذاها العذل بيه,,,
مهدي ابوحاجات الهليچي,,,
امية العشره من كاسي بدتهه,,,
مشت واعضاي بالفرگه بدتهه,,,
على اهلي اوناسي واخواني بدتهه,,,
واخيراً بدّت الواشي عليه,,,
مهدي ابوحاجات الهليچي
طبگ نزفت جروحي منهداها,,,
اظن ذيچ النستني منهداها,,,
ابهذن اعيوني شفته منهداها,,,
خاتم واحترگ چم سلف بيه,,,
مهدي ابوحاجات الهليچي,,,
رساله::::
الى الذينَ يشاركون في الانتخابات ويدعون بأنهم مساندينً لبلادي ولاكنهم ليسو الاّ جمعاً من الحثاله يبحثونَ عن منافعهم....
خليهن ابحضنك وعودك يفلان
تضحك عليه اتريد لاماني اصغير!
توعدني تكتل فقري واتچتف العوز
اتراويني حنطه او شوتبايعني اشعير!
لاحظ بعد عندك ولا بختك حار
عالگاع امش واتهده بالك لاتطير!
چفك تمده ابنيّتك عود اصلاح
واصلاحك ابظيمي اشيحط من تغيير!
من شعبي رايد عودك اتلم اصوات
صوت الوطن ظل يندب اعلى التحرير!
ماكبّر ابكعبة هواك اشما صار
ماتنفع آيه الحضرتك مو تكبير!
امشي اعلى درب العزه مودرب العار
خل جدمك اعلى الزينه بس يبقى ايسير!
بس كافي خلصت لعبتك وين اتريد
واشما تبرر مايصحلك تبرير!
خل عندك اشوي غيره وانظر للناس
من ظيمك اهلك هل لفاهم تدمير!
هوبل حضرتك وانه زودي ابراهيم
وابفاس عزتي اليوم اطبرك تطبير!
تحلم تعوض ابلادي عن التسعين
وامنين اطيح ابيوسف اويا تفسير!
شترجه منك وانته متلوف ابعار
حچيك بطل مابي نفع بس تزوير!
ابوضح النهار اتگوم تعلن توحيد
وابليل الاظلم لهلي تكتب تقرير!
تلعبلي دور المرتضى اتدور ايتام
تدري ابلعبتك مو عدل بل تكفير!
الفاروق تصبح رايد اتعدل الكون
نعرف اصولك زايفه ابلاتعبير!
اخر كلام احچي الك واسمع زين
چفي اعلى چفك لاتظن يوم ايصير!
﴿﴿مهدي ابوحاجات الهليچي﴾﴾
الفرح بالروح ماطبهه خطبهه,,,
الحزن وافكاري يوميه خطبهه,,,
الاحبهه الما احبنه خطبهه,,,
او على اعنادي ابهلاهل مرعليه,,,
مهدي ابوحاجات الهليچي,,,
اترست كاسي او شربته ابساع هسّم,,,
على الچانت حبيبه اصبحت هسّم,,,
گبل تتمشه بس اوياي هسّم,,,
نعاين ويا ابنهه اتمر عليه,,,
مهدي ابوحاجات الهليچي,,,
دوم اجدّ للي يجدلي والمجد,,,
مااعده ادروبه وعره والمجد,,,
انه تربيت الاصاله والمجد,,,
يبقى عنواني ابرغم كل هل طغات,,,
مهدي ابوحاجات الهليچي,,,
الدموعچ شفتچ انه منمشيتي,,,
واحضنچ يوم مرّه منمشيتي,,,
خذيتي اوياچ روحي منمشيتي,,,
اعلى دارچ وانه لديار المنيه,,,
مهدي ابوحاجات الهليچي
مو اسد ذاك اللي يهرب ذاكفار,,,
لوسمع بالغيض جدره ذاكفار,,,
الزلمه كون ايتوب ندري ذاكفار,,,
بس اليخون الوطن نجزي ممات,,,
مهدي ابوحاجات الهليچي,,,
انتي الگلب وانتي العين فدوه اتروح الچ روحي,,,
بانفاسچ عبير الشوگ واسمچ بلسم اجروحي,,,
فارس چنت للعربان لاكن ضحّكت سوحي,,
,من يوم الحبچ طخ راسي,,
,مهدي ابوحاجات الهليچي
اناانسليت مانشدت عسلّي,,,
هذيچ البلعشگ چانت عسلّي,,,
چنت بأحضاني ادفيهه عسلّي,,,
خذاها اينام بأحضان المنيه,,,
مهدي ابوحاجات الهليچي,,,
ابجفاها ادموعي تتنازل وحسهه,,,
هذيچ الحبهه بفكاري وحسهه,,,
امن اريد الليل عود اغفه وحسهه,,,
ذكرهه ايحيط بالي امن الأذيه,,,
مهدي ابوحاجات الهليچي
دنيتنه دنية ظيم مگلوبا لخّا,,,
واليمشي بالمگلوب هم يلگه طبخا,,,
مهدي ابوحاجات الهليچي
اثر چف شفتي فوگ اشفاك طبعه,,,
بعدهو اوجدمك اعلى الوصل طبعه,,,
هواك ايمرني نص الليل طبعه,,,
ابطلاع الروح ترجع روح بيه,,,
مهدي ابوحاجات الهليچي,,,
جميله او ضَي حسنهه ابنار وجّيد,,,
نظرتي اوتهوه خوش الصيد وجّيد,,,
يدر من فاها بس تنسيم وجّيد,,,
ك لمع ال بل الأنامل بان ضيّه,,,
مهدي ابوحاجات الهليچي,,,
يريم ارجوك دعطف عاد بسّل,,,
تفت واشفي الگلب مو باد بسّل,,,
شجاك او طاوعيت ابساع بسّل,,,
شماته او عهدي خنته ابلاوعيه,,,
مهدي ابوحاجات الهليچي,,,
عفتني اوليلي بالأفراح ماچان,,,
عليه او هجرك اعلى البال ماچان,,,
رحت ويا الغريب احساب ماچان,,,
گبل حد الفجر تغفى اعلى اديه,,,
مهدي ابوحاجات الهليچي,,,
حلگي اتدنه يمه ابشوگ ولفي او شرب من كاسه,,,
بس صاير خبيث اهواي ماگرّبله لو باسه,,,
متغير واعرفه اشبي سامع چلمه من ناسه
كل همهم عني ايبعدونه
مهدي ابوحاجات الهليچي
يگلبي العافك انته شربكيداي ,,,
لئيم ادري اووجوده شربكيداي ,,,
لزمت ايده او هويته شربكيداي ,,,
ابمآسي او للأسف ذبني ابهبيه ,,,
مهدي ابوحاجات الهليچي ,,,
الجناس الأول: شرّبك اي داي..لئيم
الجناس الثاني: شر بي اكيد اي
ليشْ الشَضىٰ عاوِد يَخِلْ,,,
هَجْرَك مَرَضْ بيّه يَخِلْ,,,
شوف العَگل گاعِد يِخِلْ,,,
بيّه الْ ألَم دَگ لِِثَرىٰ,,,
مهدي ابوحاجات الهليچي,,,
﴿وزن المْحَمّره﴾
ارتفع چفي ابغرام او صوب مهيوم,,,
او هاي اسنين ظيمي اوياي مهيوم,,,
عسى بيت اللي سوّا العشگ مهيوم,,,
الترك گلبي ايتناتگ بين اديه,,,
مهدي ابوحاجات الهليچي,,,
العشگ يرني ابحباله ياري مويار,,,
سحلني او يوّراني ياري مويار,,,
اعشگت ياري او كتلني ياري مويار,,,
ك حور او صار ياري ابهل دنيّه,,,
مهدي ابوحاجات الهليچي,,,
تركتچ غصب مو بالكيف قسمه او قدر موبيدي,,,
بس بوساتچ ال الآن ايذكرني ابصبح عيدي,,,
منچ ذكرى عندي ابشوگ وابدفتر مواعيدي,,,
ساعة ملگانه اعلى الشاطي,,
,مهدي ابوحاجات الهليچي
ماشفتچ ابنومي ابيوم لحظات,,,
ابحبچ من نويتي السفر لحظات,,,
جبل لا عالم اعلى الراس لحظات,,,
وداعچ چن احس وانهد عليه,,,
مهدي ابوحاجات الهليچي,,,
🌹حيل اهــــواچ🌹
عشعش طيــر ذكـرچ بالـعـگل والبال واتمنّــاچ...
بيچ اتوضّـَه لازم يمّي مـــن الــگـاچ...
يالعطرچ ك نســمة امن الربيع اتفوح...
بعيونچ خجل يغرِگ سفينة نوح...
وابشفتچ جمال ال منّه يوســف غار...
واخدودچ عليهن يبحــث آدم چان...
مو تفّاح...
ياحور الأرض ظــل گلبي يتــمنّاچ...
جفني اليوم ظل محتار سوّه النيل فوگ اخدودي من شافاچ...
يالوجهچ امرايه او صدرچ اللمّاع...
تخلسني الجديله او سوده چن عربيد...
بحضانچ اريد الليله حيلي ايبيد...
امنيّه ابدليلي او هيه سهله اهـــــواي...
اغفه احـــذاچ...
وابشفتي اليتيمه ابليله اقَبْل اشفاچ...
حيــل اهــواچ...
مـهــدي أبـوحــاجـات الهـليچي
⚡انه مو ضد القبيله⚡
انه موضد القبيله انه ضد القبليّه...
السكرت حلگ الحقيقه...
وابحبل جهل الطوايف چتفتهن يوز اديّه...
او گصت السان العلم واهل العلوم...
او طوّلته ابكيفهه السان الحقد والجاهليه...
واختلافات المذاهب دمرّن عگل الجهاد...
هاذ شيعي او ذاك سني او رسمت ابقرطاس شعبي الطائفيه...
انه موضد القبيله...
انه ضد القبليّه...
النايم اعلى افراش ذله او لوسمع طاري النصر گال اشعليه...
هاذه حرمه ابغير تفكير او تخيُّل مو كفو ايتابع قضيه...
والعگل ماعاد يحمل بي صبح عصر الجليد...
او لازم انسوي القلم بركان ثاير حتى يمسح هل عصر...
حتى جيل الجاي يصبح جيل ثورات العلم...
لازم ايحطم وجه جهل القبيله او كل رسوم القبليه...
او نرمي السلاح ابعقر وادي الفهم...
خلي ننسه اتمزگ البيبان واطباع الجهاله الاجنبيه...
انه مو قصدي الاهانه ابهل كلام...
لاولاضد القبيله انه ضد القبليه...
انه موضد القبيله انه ضد القبليه...
⚡مهدي ابوحاجات الهليچي⚡
للأتصال عبر الواتساب وتلگرام