مشارکه

هلی الصیت ابسخه الدیوان علو

وخصمهم یشهدالتاریخ علو

هلی اشروع الابد مایوم علو

اشرعو وعگولهم تمحی السراب

قاسم النیسی

 

هلی الصیت ابسخه الدیوان علو فوگ عتباره

وخصمهم یشهدالتاریخ حطو حمم بدیاره

الو ساعه نصر ونشوف رف اجناح شنغاره

حیتله الحومه وحیاها

مصطفی الربیعی

 

          $$$$$$$$$

 

الماهوکفولضیفه مضیفه

ولومیت متروکبرمضیفه

هم البلگلب زایدمضیفه

زیاره کل بخیل اسموم حیه

عبدالواحدغبیشاوی

 

الماهوکفولضیفه مضیفه ومعتنی الداره

ولومیت متروکبرمضیفه وچمل امتاره

اعتنی للبی حمیه وزودتتلاهب کرم ناره

مایبخل لویوزاعیونه

مصطفی الربیعی

 

       $$$$$$$$$$

 

ابصوت الله واکبرلوجرینه

یحوم اتبع نهوس لوجرینه

بعدنه ماجرینه لوجرینه

تمشی امگبعه اویانه المنیه

حسین الزبیدی

 

الوینطق لسان الزین وحشم خوته ویگومه

حل جنحه الصگرلصیدوضلت ترجف البومه

الوگبرزمرهه ابلیل وشالت غیض بلحومه

یاحوم اتبع لوجرینه

 

 

مصطفی الربیعی

هوسات

الهوا یثگل علی یفلان گوه ابریتی یرضه ایطب

او گلبی امن ارد اسولف بیک یدوی ابصفنتک وایگب

علی حسره امن انام اللیل لو غمض دموعی اتص

    واذکر ضحکاتک تغزینی

 

مهدی ابوحاجات الهلیچی

 

ادموعی اتصب علیک ابلیل لو طرواک مر بیه

واخاف احچی اللی ظل مضموم بیه اجروح الک میه

دحن لیله اعلی گلبی ارجوک مر واسگینی حنیه

  حتی اغفه او شوگک یروینی

 

حمید مطر الزرگانی

 

       +++++++++

 

جبت کاسی اوملیته اجروح، شوگ اوذکریات اوهم

شلته ابصحتک او نادیت عیش ابراحه لاتهتم

تمنیتک تحن و اتصیر وسط اعروگی مثل الدم

    والشوفک دوم اجرح روحی

 

شوگک دوم یغزی الروح یکثر بیه ماینگص

گلبی اتولع امن اهواک عمری الشوفتک یرخص

سافر روح وین اترید قصتی اویاک ماتخلص

لو اموت ابگبری اتسلینی

 

العگل سکرته بس ماتاب گام ایگودنی الطاریک

گلت اسکر واعوف الشوگ بس شوگمت افکر بیک

هم ماتستجب دعوای چاگلت الله خل یهدیک شدعیلک سکران ابدینی

 

مهدی  ابوحاجات الهلیچی

هوسات غزل

ترید انکر هواک اشلون وانسه البینک او بینی

وانه ابکاس خمر اشفاک چنت امسکر اسنینی

عطرک بیه بعده ایفوح واصورک وسط عینی

         گوم ارجع طیفک بچانی

 

 

الشبّعو بطن المذلّه او نامو ابدار القهر

تبعوا اخطوط الرذاله انباگو ابظهر الحمر

مالهم ظله ابسلفنه او خل یغضّون النظر

         عن بیت المال او عن داره

 

تلاگيت اويا حلوة طول عدهه اعيون خمريه

تكتل وانه هم مگرود طبعاً صافي النيه

فرد لحظه او شفتهه اشلون من رفعت البوشيه

          يكتل برطمهه الحدراني

 

اعيونچ اكبر طائفيه او فتنه ما بين الشعوب

ابشوفتچ تفتي المراجع يالله حي اعلى الذنوب

ينتمي الگبتين جسمچ گلبي منهن كيف اتوب

            مشتوله ابشفتچ دگاته

 

         مهدي ابوحاجات الهليچي

مشارکه

هم یوصل وکتهه او نهد ظهرا...

لحمر و الخان نکسر یخل ظهرا...

اذا عندک عشگ بل وطن ظهرا....

ابوجه ذول الطغات الفارسیه...

سيد كاظم السيد حسن

 

لوعشگ عندك يصاحب للوطن گوم اكشفه

او فك اسر سلمى الاسيره البيد ذله امچتفه

اتحده كلمن مايقبلك گله عوزك معرفه

عن صولات اهلي او ماضيهه

 

مهدي ابوحاجات الهلیچ

هوسات..

مالكيه امن الملوك اشلون انولچ واحضى بيچ

تكتل اعيونچ ياسمره او گلبي ملطوم اورچيچ

خيل شوگچ رك دليلي او ينسمع بس الدبيچ

               يبنيه ارموشچ تغزيني

 

اترید اتروح وین اتروح مثلک گلی وین الگه

خدک خوخ والشفتین منهه التین یتنگه

خصرک گوس صدرک موت یخلس یشبه الدرگه

             یانومة حضنک کتّاله

 

ملتهیه العرب یاحیف بالبیرق والمفطح

بالله اشگال شیخ افلان او ذاک ابحچیه یتکندح

خصمت یاوطن هیهات لعیون النصر نطمح

           وافکار اهلک بس بالشیخه

 

اسمك ابكل حب رسمته او بي كشخ حتى الورگ

او من ذكرتك تاه فكري او گلبي بشواگك شرگ

انت كشخة شوگ عمري او بالي بعيونك غرگ

             مثل الدم ساكن بعروگي

 

طگني شوگ اهواك حيل او بالگلب ماينصرف

ابيوم ذكريتك حبيبي اوتعَّب الساني الوصف

هاذ شوگك علمه يرحم طگ تولّاني او گطف

            چيه يدري اهواك ايأذيني

 

جبت الکاس للمحبوب سکرته او نمت یمه

سبحانه الله مبدع حیل صانع من عسل دمه

حط شفته اعلی شفتی اوگال من حنیوری خذ شمه

             مصیت اشفافه اوحنیوره

 

مهدی ابوحاجات الهلیچی

هوسات غزل

احن العطرك اوممشاك يمشي ابذهني مايرحل

واحن الوجهك المعبوس لوشوفك علي تزعل

گمت بليل احن واشتاگ ليش اتعود ماتقبل

            والهسه اشبيك امجافيني

 

اصور وداعک یمی چانن خاطبتهن بس بچیت

اتذکرت وجهک حبیبی او طحت عالگاع اوغفیت

صارن ادموعی المخده او بیک حلمیت اولگیت

               بوساتک حیل اتنادینی

 

مهدی ابوحاجات الهلیچی

هوسه غزل

ابدلیلی اسم المحب مکتوب تلمع دایم احروفه

عشگنی او بیه رد الروح عیب انه انسه معروفه

اجن وایهیم بیه الشوگ یبچی ابیوم لو شوفه

              موتی او لادمعت محبوبی

 

 مهدی ابوحاجات الهلیچی

هوسه غزل

 

چف غدرك لزم رمحين جدّرهن عليّ طگني

كلّه او مانسيتك شو تگل للناس ماحبني

حبك جنّه ظنّيته لچن شفتك اتعذبني

      وابرمحك تفتگ دلّالي

 

مهدي ابوحاجات الهلیچی

هوسه غزل

اذكرك وارتعش بهداي ليليه امن اريد اغفه

واگب واسحن سحن بالروح حدما اخمد او اطفه

تلوّث گلبي من اهواك وانت ابعيد شينظفه

    يا ذكرى ايامي المتروكه

 

مهدي ابوحاجات الهلیچی

هوسه غزل

 

عینک تشبه الزیتون و اخدودک ک سورة تین

خصرک گوس یرمی اسهام واشفافک فرض بالدین

لاتغمز دلیلی ایذوب مصنوع انه هم من طین

              مو مثلک درّه امصفّایه

 

مهدی ابوحاجات الهلیچی

هوسات غزل

 

ابمحمد گمت اسلّی الروح بالتدخین لو بصوَر

او جرحی ابغیبتک ملچوم یوم ابیوم ظل یکبر

یاریتک تحسنی ابیوم گلبی الشوفک اتوجر

              بس انته اترید اتجافینی

 

 

امن اشوفک تمشی بالشارع ولاشوفک علی تنظر

شوفک هیچی وانته ابغیض یفلان ابکفر یسطر

ادری الغایضک شنهو یخایب گلی رحت اکفر

                  مومذنب حتی اتخلینی

 

مهدی ابوحاجات الهلیچی

هوسات غزل

عاشگ ابنیه ابسلفنه اخدود عدهه امدهربه

لو تمر من یمی مره الجسم کله اتکهربه

راویه احسابنهه برحی او خدهه خاف اتگربه

       خافنّه ایموع او تبلینی

 

مجبور امن ارید انساک موبیدی او غصب عفتک

ابحلمی اوشفتک اترجیت حلمی ایطول من شفتک

فرد لحظه او لو ان فزیت واتذکرت فارگتک

      سالن عالخدین ادموعی

 

بیدین العشگ یفلان روحی اصبحت محتلّه

اوجسمی الچان ناشط حیل هسه الشوگ شوکلّه

اتفرهد عگلی والافکار صارت بالعگل فلّه

      منک کل هاذ الجربیته

 

مهدی ابوحاجات الهلیچی

هوسات بحق امام الحسین

گلبوا سیرتك یحسین سووا بالکتب تخبیص

ضمّوا تمرة الگنطار بس گاموا هدونه الشیص

عرفوك او رغم كل هاذ سموک البعض بالنیص

والفکره العندك قطوها

 

فكرك واضح او معلوم مقري او مايحب تلخيص

چن عین الشمس مضوي ولا یعمي ابأثر تفگیص

مو ثوبك لچن وصفوك ذوله الفرس ب ابن النیص

وانته ابن المانزّل فاس

 

مهدي ابوحاجات الهليچي

هوسه مشارکه

 

ابدایره اتمثل یزید او ترکض ابدگه اوتطوف

چم یزید الهسه صایر ذیب وابهیئة خروف

ماتعرف ابیوم تحچی او سمع سامع بالطفوف

لو تعرف رکضک ضمیته

مهدی ابوحاجات الهلیچی

^_^_^_^_^_^_______^_^_^_^

البعض بس تعرف یزید او مادرت یاهو الحسین

ناس ماتعرف اصلهه امن الکفر ماادری وین

بس وحگ رب العباد الدین یرجع للمدین

والناس اتبین بالرویه

حمید مطر

هوسه حب

بعدنی اعلی العهد باقی حبیبی او لاتظن انساک

یوم ابیوم الک کثران شوگی او بس اظل اهواک

مهما بیه وکتی اندار راح اذکر زمانی اویاک

            واتمنی اتعود اویا اسنینی 

            مهدی ابوحاجات الهلیچی

هوسات غزل

جمر اشفایفچ معلوگ واخدودچ ثمرهن تین

صح اگصیره بس دولاب صدرچ چنه حایط صین

شفتچ لحظه واختلسیت عود اویای لو تحچین

             غیر انجن لو اکتل روحی

 

شلی ابنوم الحریر الما احسک یمی بی

اوشلی بخدود المخده اوخدک ایبوسه اجنبی

انه وحدی او هوه یمک سابی اشفافک سبی

       وانه اسبی افراشی امن ادموعی

 

 

            مهدی ابوحاجات الهلیچی

 

هوسات غزل

چانت ليله شتويه او تلاگينه ابدرب صدفه

هويتك يارشيق الطويل عندك خوخه لو شفه

گتلك بالله يبن الناس من فضلك فرد رشفه

       من شفتك بارد دفيني

 

سكرت ابخمرة اعيونك حبيبي ابشبگه صحيني

يبو اعيون الشهل بس عاد دگرب لاتأذيني

دني اشفاك يم اشفاي واشبع بوس خليني

      يالوجهك شع نور ابلادي

 

 تلاگيت اويا حلوة طول عدهه اعيون خمريه

تكتل وانه هم مگرود طبعاً صافي النيه

فرد لحظه او شفتهه اشلون من رفعت البوشيه

     يكتل برطمهه الحدراني

    مهدي ابوحاجات الهليچي

هوسات.

اخ يجروح القديمه اشگد عزيزه او بيهه ذكره,,,

كل جرح منهن مناظل حامل اعلى اگليبي فكره,,,

شوگك ايمر ابمنامي او عيب اتركنه او انكره,,,

             ماعوفه الحدما يصحيني

 

 

 

بعّدت يومين عنهه اتسودنت ضكني الونين,,,

او صبّحت حيل افتگدهه الراقيه ام صوت الحنين,,,

من تسولف طير گلبي ايغرد ابصوت الحزين,,,

          واتبريَد من ساسي الراسي,,

             مهدي ابوحاجات الهليچي,,,

 

هوسه

ماعدّه الذي ابخوته عليه رايد يحط منّه,,,

ولامجده ابمظيف اشيوخ لاگومن واذمنه,,,

الجاهل گالو امن اسنين احسن تبتعد عنه,,,

        لوتگرب يعديك ابعاره,,,

       مهدي ابوحاجات الهليچي,,,

هوسه

المايدرك حرف بالدين او ظل يتبع اليعبد نار,,,

من شاف اهتديت اشگال بايع دينك ابدينار,,,

رديت اعلى حچيه ابزود چابيع الاهل موعار,,,

وانته اتبيع اهلي اوخواني

 

مهدي ابوحاجات الهليچي

هوسه

صوت الحگ صبح مبحوح والسان الفتن طايل-

وابصگر الصحاري اليوم فرخ البط طلع عايل-

اومن جفن الحقيقه اشلون دم اسود شفت سايل-

واليحچي الحگ يفگد راسه-

مهدي ابوحاجات الهليچي

هوسه

انتي الگلب وانتي العين فدوه اتروح الچ روحي,,,

بانفاسچ عبير الشوگ واسمچ بلسم اجروحي,,,

فارس چنت للعربان لاكن ضحّكت سوحي,,

       ,من يوم الحبچ طخ راسي,,

,مهدي ابوحاجات الهليچي

هوسه

حلگي اتدنه يمه ابشوگ ولفي او شرب من كاسه,,,

بس صاير خبيث اهواي ماگرّبله لو باسه,,,

متغير واعرفه اشبي سامع چلمه من ناسه      

  كل همهم عني ايبعدونه

مهدي ابوحاجات الهليچي

هوسه8

تركتچ غصب مو بالكيف قسمه او قدر موبيدي,,,

بس بوساتچ ال الآن ايذكرني ابصبح عيدي,,,

منچ ذكرى عندي ابشوگ وابدفتر مواعيدي,,,

ساعة ملگانه اعلى الشاطي,,

 

,مهدي ابوحاجات الهليچي

هوسه7

ابغرامك همت هاي اسنين وانته ابظيمي متهنّي,,,

اشمرامك شونسيت الشوگ وابطاري الشضا اتغنّي,,,

تتونس لوَن احتار واتطگ اصبع الونّي,,

,واتكيّف لو يكثر نوحي,,,

 

مهدي ابوحاجات الهليچي,,,

هوسه5

عشگ الوطن فرضي ايكون واعبد موطني اعباده

وامن المشنقه ابكل زود احوي الروحي اگلاده

عربي او مااطخ هيهات حر او اهلي الساده

,,,ببلاد العز دگو رايه,,,

مهدي ابوحاجات الهليچي

هوسه4

حبيتك گبل چم عام بعدك طفل واشحيمي,,,

بس يوم العرفتك بيه للمنخر وصل ظيمي,,,

حاچيت ابهواك الروح ياروحي ابهوا هيمي,,,

       هاذ الفر عگلي اوخلاني

مهدي ابوحاجات الهليچي,,,

هوسه3

الك دم صبت اعيوني تعال ارجوك نشفهه,,,

يهل ماشي ابدرب مظلم على اصورك بقيت افهه,,,

من بعدك صفت هل روح بس الحزن تالفهه,,,

      واتنوح ابليل او ملچومه,,,

 

مهدي ابوحاجات الهليچي,,,

هوسه2

رحت عني او گمت كل يوم اشيل ابصحّتك كاسي

وامن اذكر گعدتك ذيچ گوّه ايطلعن انفاسي

فضلت العده اعليه لچن انه اعلى اعز ناسي

      فضلتك وانته امجافيني,,,

مهدي ابوحاجات الهليچي,

هوسه

ابحگ لوردت تنطق يوم لازم تحچي جد ابجد

او للمايسوه بالك زين ترفع صيته واتمجد

بس للواحد القهار لازم تنحني او تسجد

        او جدام الشر راسك شيله