گولوله العشگ ماعاد مثل اوّل
كلشي الچان راح او كلشي اتحوّل
يمكن بالبدايه اشوي تظل تشتاگ
بس كل شئ يصير امن البدايه اسهل
گولوله اللي چان اينومك اعلى ازنود
هسه ابگبره نايم لا تظن يعدل
او خلوا يبچي يمكن لو نشق يرتاح
وانطوا صورتي او گولوله يتحمل
راح اشتاگله او لاينسه طبعي اويا
چنت اتمنه ابوسه ابغفله من يزعل
مو وكت الكلام او خلّص الموضوع
گولوله العشگ ماعاد مثل اوّل
مهدي ابوحاجات الهليچي
تلحگنی علیمن وین ماروح؟؟
عربیه ولک چاشنهی ذاتک...
اسئنلک وارید اتجاوب ابهای.
.!تقبل واحد ایزاحم خواتک ؟؟
سولماز حیدری
انا من ينثرُ بذور المجدَِ
واسقي الارضَ بدمعي
واُ حرق الحطب بحرارةِ دمي
ضعفت!!؟
عندما رأيت الوطن يناديني
ولم اري شيئاً غير المساكينِ
خذوني فأنا مثل كارونِ
سُرِقت مياهي واُحرق نخيلي
ك. ياسمين صاكي
اصبَحتُ شَخصاً مَنبوذاً ..!!
حینَما خَسِرتُ كُلَّ شَئِِ غالِِ علی قَلبي ..!
وحینَما حُرِمتُ مِن أبسَط حُقوقي ..!!
وَ دونِ ذَنبِِ او خَطاءِِ هَجَرَتني کُلَّ أحِبَّتي ..#
وَ عَلی مَرّ الزَمانِ لَم یَکُن الّا الصَبرِ حَلیفي ..!!!
وَعَلی هَجرِ احِبَّتي لي تَحَلَّیتَ بِ صَمتي ...!
وَ ها انا مَرَّةََ ثانیه رَجَعتُ إلی وَحدَتي... !!
کلمات شقايق...ح
الى بعض البائعين في الوطن .....
بيدي شاتل بالوطن ساحة ورود
وانته حقدك علشعب تارس محيط
انفتحت اعماره ابوطننه اتبيع ناس
ابعيني شفتك بيدك اتگص الشريط
ميت احساسك ي هل بايع ضمير
او طبعاً المثلك يسمونه اللقيط
انه باني الروحي كعبه ابمستحاي
وانته بيك الذل صبح دايم يحيط
عينك اتصد عالارض كتلوها شوف
اعيونهه امسلمه البچي اوتهمل عبيط
مايزت من حگي طبعاً شي اكيد
ال انته دمهم بعته حگي اومو بسيط
شرد اسولف گبلي واحد هيچي چان
راد حگه امن الصبح كتلوا فريط
مهدي ابوحاجات الهليچي
بعد بسک یگلبی او کف العتاب
نشف بحر المحنه ابحقد الگلوب
ال الک دگو صدر شو گلبو ابساع
احرگتنی ابهل حنان اتخورس اوتوب
صدگ دربک عدل بس ناسک اضباع
تماشیهم صدگ بس هما مگلوب
تضحی اشگد چنت ماتخلف الشور
صفیت انته ابسهمهم هسه مصیوب
نسو حبک ولک خلینی مرتاح
شماته او بیهم اصلاً ماکو محبوب
النسوک او هاجرو دنساهم ارجوک
المحبه ابلاحبیب اتکثر الذنوب
قفل خلینی اقفلک واغفه بلیل
واداویک ابصور لاتبقی معیوب
مهدي ابوحاجات الهليچي
تمنيت اغفه باحضانچ فرد يوم
نسيت القسمه تعكس كلشي ردته
نطرتچ من كبرتي او عودك احويچ
طلع حلم او ثمر ما منه شفته
كتبتچ ذكريات ابدفتر اشعار
رضيت ابلوعتي اوگمت او حرگته
محاسن وجهچ اشينساهن البال
القلم يخدر لو ان وجهچ وصفته
احن الشم ثيابچ واسهر ابليل
واگولن وينه حچيي اليمهه گلته
مهدی ابوحاجات الهلیچی
والله ماادري الشعب شنهو اليريد
شي لبن جوشن صفه اوشي اليزيد
ماكو واحد منهم ال يتبع حسين
او لاكو واحد للگمر يصبح عضيد
رایح بس اظل ابلیلی اندهلک
میل اشماتمیل ابگلبی امعدلک
عنک راح اروح او امشی غیر ادیار
وین اتشوف ناس المثلی اتحملک
مهدی ابوحاجات الهلیچی
الهوا یثگل علی یفلان گوه ابریتی یرضه ایطب
او گلبی امن ارد اسولف بیک یدوی ابصفنتک وایگب
علی حسره امن انام اللیل لو غمض دموعی اتص
واذکر ضحکاتک تغزینی
مهدی ابوحاجات الهلیچی
ادموعی اتصب علیک ابلیل لو طرواک مر بیه
واخاف احچی اللی ظل مضموم بیه اجروح الک میه
دحن لیله اعلی گلبی ارجوک مر واسگینی حنیه
حتی اغفه او شوگک یروینی
حمید مطر الزرگانی
+++++++++
جبت کاسی اوملیته اجروح، شوگ اوذکریات اوهم
شلته ابصحتک او نادیت عیش ابراحه لاتهتم
تمنیتک تحن و اتصیر وسط اعروگی مثل الدم
والشوفک دوم اجرح روحی
شوگک دوم یغزی الروح یکثر بیه ماینگص
گلبی اتولع امن اهواک عمری الشوفتک یرخص
سافر روح وین اترید قصتی اویاک ماتخلص
لو اموت ابگبری اتسلینی
العگل سکرته بس ماتاب گام ایگودنی الطاریک
گلت اسکر واعوف الشوگ بس شوگمت افکر بیک
هم ماتستجب دعوای چاگلت الله خل یهدیک شدعیلک سکران ابدینی
مهدی ابوحاجات الهلیچی
ابحزن وابنوح گلبي اشكثر ليله
الهويته او يمي چان اينام ليله
چنت محتار روحي اتكون ليله
افطنت تالي وشفت روحي اب اذيه
سخي اوياك ابمحبتي بسخافن
الي،من همي يمك بسخافن
احبك وانته تدري بسخافن
العواذل تدري واتضيع امن اديه
الگلب سيف التجافي اوياك محّد
هواك او سد جعل للغيض محّد
هويتك وانت بس بالروح محّد
بعد يگدر يعوضك يوم ليه
شجي ابحبك تدوس الروح وترك
دليلي او عزفه بس بالشوگ وترك
عجيبه اتريد اعوف اهواك وترك
غرامك يل مرامك لعب بيه
اسنين اجفاك مرت ضيم مرتاح
علي ذكرك ابريجي ابليل مرتاح
عليك ايچذب اللي ايگول مرتاح
ابغيابك ذل عذابك مر عليه
مهدی ابوحاجات الهلیچی .
للأتصال عبر الواتساب وتلگرام